2026 趁新年教孩子種下正確理財觀念｜3個新年兒童理財教育真實案例

🧧 新年兒童理財教育 | 趁新年教孩子理財，先從整理自己的「成績表」開始

新年將至，孩子最期待的，除了團年飯和拜年，就是一封封的利是。對家長來說，這疊紅色利是是「甜蜜的煩惱」——全數儲起怕孩子不懂用，完全放任又怕孩子亂花。

但我想提出一個更深層的問題：我們在教孩子理財之前，自己的理財「成績表」合格嗎？

這篇文章有兩個目的，趁著新春佳節：

同你一起反思——我哋嘅理財習慣，點樣影響緊下一代？

同你一起學習——點樣趁新年教小朋友正確嘅理財觀念。而教嘅過程，我哋自己都要重新學習，將觀念應用喺自己同子女身上。因為子女係跟住你嘅行為去學，你，就係佢哋最好嘅榜樣。

👨‍👩‍👧 孩子是鏡子，不是學院

我們處理過不少理財個案，發現一個共通點：很多人的理財基本功，其實來自原生家庭的習慣，而不是學校或課堂。

小時候，我們看着父母怎樣用錢，通常只會出現兩種結果：

第一種：你認同父母的做法，覺得佢哋慳家有道理，結果你不知不覺學足佢哋——連「太慳」嗰部分都一齊複製咗。

第二種：你唔認同父母的做法，細個覺得父母「孤寒」，結果自己一有錢就報復式消費；或者細個覺得父母「大洗」，結果自己長大後不知不覺跌入同一個模式——因為從來冇人教過你，中間嗰條路可以點行。

無論父母理財能力好與不好，他們的觀念，早就悄悄地種在我們心裏。而今天，我們也正在用同樣的方式，影響着自己的子女。

你的子女最親近的人是你，不是你花錢送他去的哪個「理財學院」。如果你自己不懂理財，成績表不好看，孩子每天看着你，他學到的，可能就是「使錢先使未來錢」或「有錢就使，冇錢就借」。

💰 新年預算第一步：先問自己「您有預算過嗎？」

新年未到，使費先到。辦年貨、封利是、團年飯、外遊旅行、小朋友嘅新年活動或親子活動……樣樣都係錢。有家長同我哋講：「一年一次啫，豪俾佢哋啦。」結果豪完，新年後收到卡數先知頭痛。

其實，呢啲「頭痛」嘅背後，往往係同一個問題：我哋冇做預算。

新年預算，唔係咩高深學問，而係好簡單嘅三步：

先分細項：利是幾多、年貨幾多、活動幾多……逐樣寫出嚟

再計總數：將所有項目加起，知道自己要預幾多錢

最後問自己：呢筆錢，你拎得出嗎？定係要靠「碌住先」？

如果你發現自己嘅預算，最後要靠信用卡先搞得掂，咁就要停一停，諗清楚：呢個預算，係咪超出咗自己嘅能力？

預算嘅目的，從來唔係要你刻薄自己，而係幫你將錢用喺真正重要嘅地方，過完年之後，唔使後悔，唔使頭痛。

跟住落嚟嘅幾個真實案例，可以等你更具體咁掌握，點樣喺唔同嘅財務狀況入面，做好新年預算。

我哋焯檢mychoices成日見到一個現象：一到新年後，查詢就開始多。點解？因為過年前，好多人用信用卡「頂住先」，或者直接喺信用卡度Cash Out一筆錢過年，諗住「過完年先算」。結果新年過完，卡數到咗，先醒起自己搞唔掂——當初如果做咗預算，或者結果會唔同。

最令人心酸嘅係，呢班人入面，有好多係好盡責嘅家長——佢哋陪仔女去主題公園、報新年興趣班、買貴少少嘅衫俾小朋友着得靚靚。明明自己嘅財務已經響起警號，但佢哋唔出聲，唔想仔女覺得「屋企冇錢」，唔想仔女輸在起跑線。

呢種「透支式嘅愛」，我哋見得太多。

可能你而家會諗：「我又唔係咁，呢段嘢唔關我事。」咁我想問你一句：你又有冇認真諗過，點樣將正確嘅理財觀念，植入你嘅仔女度？你而家過得舒服，係因為你懂得規劃，定係只係暫時未遇到壓力？如果你而家已經覺得有少少吃力，你嘅仔女將來會唔會行返你同一條路？

與其年年過完年先嚟後悔，不如今年開始，同自己、同仔女一齊學識「點樣同錢相處」。以下幾個真實案例，反映三種唔同嘅家庭財務狀況。重點唔係比較邊個使得多，而係點樣喺自己嘅處境入面，做好規劃、量力而為。記住一句：新年嘅意義，係一家人整整齊齊，唔係鬥使得多。

🧧 新年預算案例｜按自己步伐，做好新年規劃

【兒童理財案例一】打穩基礎型｜先儲蓄、後消費，有預算有備用

背景：兩大兩小（子女4歲及7歲），家庭收入穩定，有應急儲備，冇卡數壓力。

項目	預算建議	規劃貼士
利是錢	$5,000	雙方父母各$1,000、子女各$500、親戚晚輩6人各$200、管理員/看更$600
年貨採購	$2,800	提早買、格價、用積分換禮券
新年置裝	$2,000	買百搭款，小朋友買大少少可著多一年
團年飯	$1,500	在家煮+買半成品盆菜，一樣有氣氛
拜年禮品	$1,000	4-5家親友，揀實用嘢（牛奶+生果）
機動資金	$500	突發開支
總預算	$12,800	佔月入約20-25%（假設家庭月入$5萬）

✅ 實戰建議

提早規劃：今年新年使費，可以喺舊年就開始每月儲起一部分（例如每月$1,000），到新年時拎出嚟用，唔使影響日常現金流。按自己情況調整：如果想減新年預算，利是可以逐封睇住封、年貨買散裝、團年飯完全在家煮；如果想加項目（例如短途旅行），可以從置裝或禮品度慳返，保持總數唔變。

【兒童理財案例二】負債重整型｜先還債、後過年，唔好再「碌住先」（焯檢Debt-free方案）

背景：單親家庭（一大人一子女，子女8歲），有卡數壓力，每月僅夠還min pay，冇應急錢。

項目	預算建議
利是錢	$1,800（只封必要：父母、子女、管理員、極親近晚輩）
年貨採購	$800（基本瓜子糖果生果，街市買）
新年置裝	$300（著返舊年衫，或用二手）
團年飯	$500（同屋企人夾錢/輪流負責）
拜年禮品	$200（自製年糕，或唔送禮純見面）
總預算	$3,600（假設月入$24000, 佔約15%）

✅ 實戰建議

千祈唔好為咗過年而去Cash Out、借更多錢。如果真係唔夠，坦白同屋企人講「今年手緊」，大部分人會明白。今年過完年後，可以每月強制儲起$200入「新年基金」，到出年就有$2,400，夠基本開支。

如果你發現自己已經陷入「min pay輪迴」，還極都還唔完，今年新年，可以係你轉變嘅起點。一路過年，一路可以申請焯檢mychoices嘅Debt-free債務重組方案，將高息卡數整合，用一個較低息、較輕鬆嘅方式還款，等你抖到啖氣，重新掌握自己嘅財務。

唔好覺得「新年流流講債務唔吉利」，正正因為新一年開始，先要為自己做好財務穩健。與其等到年後先嚟後悔，不如趁新年假期，靜靜哋規劃好新一年嘅財政方向。今天的重整不是冇面，而係整頓好自己，再重新出發。

【兒童理財案例三】穩健寬裕型｜有空間享受，但唔好「使大咗」

背景：一家四口（子女12及15歲），家庭收入穩定，有儲蓄、有投資，冇債務壓力。

項目	預算建議	規劃貼士
利是錢	$12,000	雙方父母各$3,000、子女各$1,000、親戚晚輩12人各$300、管理員/看更$1,000
短途外遊	$8,000	年初三後出發，避開旺季
年貨採購	$4,000	精品年貨+進口水果+酒水
新年置裝	$3,000	全家買中高檔，揀可日常著嘅款
團年+開年飯	$3,000	一次出街食（同屋企人）、一次在家煮
拜年禮品	$2,500	6-7家親友，實用組合（餅乾+茶葉+生果）
捐款	$2,000	新春捐獻/幫助有需要家庭
機動資金	$1,500	預留彈性
總預算	$36,000	佔月入約30-35%（假設月入$10萬）

✅ 實戰建議

預留新年錢嘅方法：可以設立「新年基金」，每月自動轉帳固定金額（例如月入5%），到新年時就有一筆錢安心用。分配有意義：有空間嘅家庭，可以考慮將一部分預算撥去做新春捐獻，或者請基層家庭食餐飯、送啲年貨。錢用喺有價值嘅地方，比單純消費更快樂。想減新年預算點做好？如果想將資源放更多喺捐獻或長線儲蓄，可以從外遊或置裝度慳，唔影響家庭核心開支。

💡 三個兒童理財案例總結：按自己實際情況，做好規劃

狀況	核心原則	遇留新年錢方法
打穩基礎型	先儲後使，有備無患	每月固定儲起新年預算（如月入5%）
負債重整型	唔好再借，節制為先	每月強制儲少少（如$200），由細開始
穩健寬裕型	享受之餘，祝福他人	設立新年基金，預留捐獻部分

✅ 最後提提你

唔好充大頭鬼：封利是、請客、買禮物，全部按自己能力，唔使同人鬥。

預算係可以調嘅：如果你想增加某個項目，就要喺另一個項目慳返，總數唔好爆。

錢用得有意義，先係真正嘅「好意頭」：將錢放喺有價值嘅地方（家庭、成長、幫助人），永遠唔會錯。

🧧 教小朋友理財，焯檢mychoices推薦由3件新春活動開始

投委會（IFEC）有一個好好嘅教學框架，趁新年可以幫小朋友建立理財好習慣，例如：認識貨幣、財分三份、先儲蓄後消費、分清想要與需要、與人分享。

咁多個方法，我哋焯檢mychoices想同大家分享三個最容易融入新春活動嘅做法。唔係話其他方法唔重要，而係呢三個最貼近新年場景，可以好自然咁同小朋友一齊做：

第1️⃣件活動：入利是｜等佢參與「錢嘅流向」

新年未到，小朋友最興奮嘅其中一件事，就係幫手入利是。

呢個時候，唔好只係叫佢「快啲入完就算」，而係可以把握機會，慢慢同佢傾吓：

「你知唔知呢封利是係俾邊個㗎？」

「如果我哋今年預咗$5000封利是，你估可以封幾多人？」

「到你收到利是嗰陣，你會點樣處理？」

唔使急住教，先了解佢點諗。佢話「我想全部買玩具」都冇問題，你可以再問：「咁如果全部買咗玩具，之後想買第二樣嘢點算？」用問題帶佢諗，好過直接話「你咁做唔啱」。

你仲可以將自己嘅預算想法話俾佢知：「爸爸今年預咗$5000封利是，入面包括爺爺麻麻、姑媽、管理員……你要唔要幫手記低？」等佢知道，原來大人做每一件事，背後都係有計劃嘅。

第2️⃣件活動：記新年賬｜等佢擁有「數字感」

我哋焯檢嘅Founder成日強調：理財第一步，唔係投資，而係記賬。唔記賬，你唔會知自己啲錢去咗邊；唔知去咗邊，就冇得改善。

但記賬呢樣嘢，唔使等到大個先學。新年期間，就係最好嘅實戰機會：

叫小朋友記低「今日收到幾多封利是、總數幾多」

去超市買年貨，俾張單佢：「幫我記低今日買咗乜、用咗幾錢」

每個星期尾，同佢一齊睇返個記錄：「嘩，原來我哋買年貨用咗$800，你覺得多唔多？」

市場上有好多記賬Apps，我哋稍後都會喺YouTube頻道同大家分享更多。但最重要嘅係：要讓小朋友有參與感，有「呢本賬係我記嘅」嘅擁有感。佢投入咗，自然會上心。

第3️⃣件活動：行年宵｜一齊學「想要」同「需要」

年宵市場、商場新年裝飾、新年玩具……新年期間最多「引誘」，但亦係最好嘅課堂。

你可以同小朋友一邊行一邊傾：

「你覺得買年花返屋企，係需要定想要？」

「如果你想買嗰個老虎公仔，但屋企已經有好多公仔，你覺得係需要定想要？」

「如果我哋今日買年貨，糖果同埋新衫，邊樣係需要，邊樣係想要？」

最重要係：佢任何答案都OK，你先認同，再講你嘅睇法。例如佢話「想要嗰個玩具」，你可以話：「哦，你覺得好想要。咁如果我哋買咗呢個玩具，仲有冇錢買嗰個你之前話想要嘅遊戲機？」用問題帶佢諗取捨，好過直接否定。

到佢真係扭計話要買嘢時，你就可以攞返呢個問題出嚟：「我哋之前傾過，呢樣嘢係想要定需要？不如我哋一齊諗吓先？」

一句總結

教小朋友理財，唔係要佢哋坐定定聽書，而係等佢哋參與落去，有擁有感，有得傾，有得諗。

你唔需要做一個完美嘅理財專家，你只需要做一個願意同佢一齊學、一齊錯、一齊進步嘅家長。

呢個新年，我哋焯檢mychoices同你一齊，由三件小事開始。

💡 新年兒童理財教育 – 不一樣的新年，不一樣的傳承

與其把利是錢「沒收」或「放任」，不如把它變成一個親子理財的起點。你可以和孩子一起：用投委會的「利是錢收支計算機」記帳；坐下來商量「呢封利是想儲起，定係買件玩具，定係捐俾有需要嘅人？」；甚至讓孩子看見你如何處理自己的新年使費——因為你的一舉一動，才是他最真實的教材。

而如果你自己正面對緊卡數壓力，或者新年使費超出預算，唔好怕，呢個都係一個機會——俾自己停一停，睇清楚自己嘅財務狀況，再諗辦法整理。我哋焯檢mychoices嘅「私人貸款自選方案」平台，就係為咗呢班人而設。我哋唔係叫人借錢，而係希望提供一個選擇，等大家可以將高息卡數整合，用一個較輕鬆嘅方式，重新掌握自己嘅財務。

新年兒童理財教育，從來不是一堂課，而是一段陪伴。這個新年，讓我們不只給孩子一封利是，也給他們一個可以帶着一生的理財好習慣。同時，都俾自己一個機會——整理自己的「成績表」，由今年開始。

你準備好未？